تسجيل الدخول
الاكثر أعجابا
الاستفتاء
ماهو تقييمك للموقع
القائمة البريدية
العمر،،،
العمـر لولا الطيـب وش هو حصيلـه
والنـاس لولا الضيـق محـدن عرفهـا
**
ومن يتبـع المقفيـن ضايـع دليلـه
ومن لايـروم المرجلـه ماعسفهـا
**
ماكـل غايـه بررت لـي وسيلـه
ماأسـوق رجلـي ليـن أميز هدفهـا
**
إن كانهـا ترقـى لراس الطويلـه
عز الله إني ممسكـن في طرفهـا
**
وإن كانهـا تسلك دروب الرذيلـه
تلقالها غيـري يناحي سلفهـا
**
أمسـي على رجوى الأمـل كل ليلـه
وأقول بكـرا يامحمـد خلفهـا
**
أضحك مع العالـم ونفسي عليلـه
والحـزن خيـم بالضلوع وولفهـا
**
ضـاعت سنيـن العمـر من دون حيلـه
وسيـل الشقـا حلـو الأماني جرفهـا
**
عايش على ذكـرى الليالي الجميـله
ياليـت روحي باقيـه في كنفهـا
شكرا للمرور الجميل
صح لسانك وعلى شانك
كلمات رائعة ومعبره
ابدعت حين كتبت واجدت حين وصفت
لك جميل التحايا