تسجيل الدخول
الاكثر أعجابا
الاستفتاء
ماهو تقييمك للموقع
القائمة البريدية
ودي ،، ولكن
ودي بديرة ياعرب جوها غير
مامرها بالوقت صلف الهبايب
مجرى نهرها يبتهج بالنواوير
وفيها تشوف من الطبيعة عجايب
مافيه صوتن غير صوت العصافير
وساطع سماها ممتلي بالسحايب
صباحها كنه صباح التباشير
ويطيب فيها القلب لو كان ذايب
ماطبها من الناس غير الهوامير
اللي عليها يدفعون الضرايب
وانا عليها ماحسبت المخاسير
وش تنفع الاموال تحت النصايب
والظاهر اني يالوجيه المسافير
لارحت يمتها فلاني بآيب
ودي ولكن وين انا والمقادير
والفقر ملعون الجدف والصلايب
لاغبت عنه الصبح قابلني عصير
كنه على راسي يهل الترايب
ويالله تحقق منيتي دامي صغير
قبل انحني للوقت واصير شايب
شكرآ لتفاعلكم الجميل وحضوركم المشرف
تحياتي من الاعماق
الله الله رائعة من روائعك الجميلة
ابدعت بحق في رسم صورة جمالية يعجز غيرك عن رسمها
سجل شديد اعجابي ببوحك المميز
وابقى بخير العمر كله
صح بدنك
مرورك اسعدني كثيرآ
شكرآ على الإطراء الجميل
دمتي بسعادة
الله الله على الكلمات الرائعة ..
بوح عذب ..
وصدق في الأمنيات ..
وإكتمال في الكلمات ..
صح لسانك أستاذ بدر
وأشكرك جزيل الشكر ..
وربي يحفظك دائماً ..
أمنياتي