دروب المواصل

.
وعدنا بعد ماكنا انا وياه احلا احباب 
................ وخانتنا الحظوظ وفرقت خلٍ عشق خله
وعدنا بس يا خساره بداخلنا شعورٍ غاب 
................ خجل قلبي يبين فرحته لا الضعف يحتله
وفير الحب يستوطن بقلبي ما حسبت حساب 
................ لونه مبعدٍ عني تراه القلب وافيٍ له
تمنيت المس اللهفة ويفتح للأماني باب 
................ لقيت الضعف يسكن به يلاشي ما مضى كله
كبير الحزن في قلبي عجزت افجره بعتاب 
................ اخاف احيي جروحٍ في حنايا قلبه اتعله
انا كلي فدا روحه لونه ذوب الاهداب 
................ لعينه ترخص ايامي كثير العمر مع قله
وعدنا والأمل احيا بقلبي للفرح اسباب 
................ لوني عارفٍ درب المواصل صعب نوصله
ولكن الرجاء بالله دعيت المعطي الوهاب 
................ يحقق حلمنا برضاه يظل اثنيننا ظله