رحلة الجرح

اجتاز قلبي رحلة الجرح و الخوف !

واستوطن بصحراء الظلام وسكونه ..

..

أصحابه الذكرى ؛ والايام وحروف

تعزف  على أوتار الليالي  لحونه

..

ياتونه  المغرب  محبين  و ضيوف

اولـهـم الهاجــس ، وضيقة طعونه

..

يشعل لهم نار التّصاوير و نْشوف 

طيف  الوليــف الي رمتني  عيونه

..

من كثر ماهو بالكرم صار معروف

ينـحر  من  افـراحه ويهدي حْزونه

..

قلبٍ  يحب  السِهر والهــم  مألوف

ولا لي عليه  عـــن الغــرابيل  مونه !

..

خلّوه لا تلحقهْ  : شـرهات  و حسوف

خايف يزيد  من المعاتب جنونه

..

مَليتْ من شعرهّ  دواوين  ورفوف

تِغْبرْ وينفـضها الهـوى من شجونه

..

ذنبه! على الي ماخذن راحت الجوف

اقفى  و طيّح  حيل  من  يفقدونه

..

دام ان قلبه ما على قلبي يْروف

ما  همـني لــو  بعدها  يدفنونه

https://youtu.be/AWxJV0N7kas