الصدفه  اللي ليت  ربـّي صرفها

                      ولا  تبيّن  لي   مـن  العلم  خافي

دارت  سـوالـفنا  و في  منتصفها

                      عجاجـةٍ  مـرّت  على  جـوّ  صافي

علمٍ ظهر  و  أفراح  عيني  نسفها

                      و قمت أتصدّد ضيقتي لا  تشافي

أركى  على  روحـي  يـدوّر  تـلفها

                      و حوّل على تسبدي  بسمٍ زعافي

أجرع  مرار  السالفه  ما أرتشفها

                      عجزٍ  لأقول لمبدي  العلم  كافي

عرّضني   لـ جرّه  تكاشف   طرفها

                      و أشرّ على الأخرى بشرحٍ إضافي

كأنه  يقول : بعينك  اليوم  شفها

                      لا تستشكّ و علمي إن جاك وافي

يقول  : شفها  كأنه  يقول : عفها

                      فرق  الزوايا  تفرق  اللي  يشافي

و عـزّ   الله  إن  الغايبه  لو  عرفها

                      ما أشرّ على  جرّه  لحقها سوافي

بعض الكتب شرٍ  على  مكتشفها

                      عن ما بها  يكفي  جمال الغلافي

و مما  ظهر  نفسي  تبدّي  أسفها

                      ولا عاد يمدي  عن خطاها تلافي

مير البقى في راسي اللي إقترفها

                      درسٍ على جملة  دروسه يضافي

                     عبدالعزيز الرشيد