صوتي الذابل

على نفس ،الطريق اللي ،،جمعنا يازماني جيت 

ادور في زُحام الصمت،،،، عن اشياء مفقوده 

يغالطني بها عمري ،،،واصدقها ،،،من ،التوقيت 

لأن الوقت مايكذب ،وانا عايش على وعوده 

الا ،،،ياصوتي،، الذابل ،،وفا ،،،،من كثر ماحنيت 

تراكم داخلي احساس ،،من بوحه ومقصوده 

وصبري ااه ياصبرٍ ،، تلاشى من كثر،،، ما ابطيت 

وانا اراقب مسار الحب ،،،ماحصلت مردوده 

احس اني كثر ما اتمسك بصمتي ،معاه اخطيت 

حرمته من ،،دفا روحي ،،وانا بدنياه،،، مولوده 

على صوته تهادى الروح ،،احس اني معه جنيت 

يطير القلب من صدري ويتسابق على حدوده 

حرام اكون في ،،عينه ،،يتيمه ،،،، ماحواني بيت 

وانا اشوف الطرق ،،،اللي تودي اليه مسدوده 

حسافه من سوايا،، خافقك ،،،ياصاحبي صديت 

وراح اللي بنا لك ،صرح ،،،،،ماقدرت مجهوده 

بلاش انرجع الذكرى،وش الطاري بعد ما اقفيت 

هدمت اللي بقا فيني ،،،قطعت ،الحب وعهوده 

حبيبي ،هذي الدنيا،، تعيش ،،بها كثر ما ارخيت 

وتموت ان كانت اعصابك على اتفه شي مشدوده 

• حرف العنا