أضف تعليق
ارسال الى صديق
طباعة القصيدة
مشاركة القصيدة
أبلاغ عن خطأ
+0
-0
تسجيل الدخول
الاكثر أعجابا
الاستفتاء
ماهو تقييمك للموقع
القائمة البريدية
ظافر القحطاني 
شاعر/كاتب/رسام/مصمم سعودي , صدر لي مؤلفان شعريان
**(الحب باقي)**
بسم الله
الحب باقي والوفا ما بعد غاب
من حب لو مره بيعرف كلامي
مايعرف الأشواق نذل ٍ وكذاب
الحب دنيا من المعاني عظامي
لو شفت راعي الحب والله قد ذاب
من زود همه ساهر ٍ ما ينامي
العمر جنّه والمحبه ترى باب
والسعد فالدنيا بلحظة سلامي
قالوا زمنا أنتهى فيه الأحباب
والحب ميّت وأندفن بالظلامي
هذي شريعة وقتنا دايم أغراب
حتى المشاعر عندهم فنعدامي
مسكين ياللي عايش بغير عرّاب
فيده قراب الما وهو دوم ضامي
حنا انولدنا بحب وبحب شيّاب
جيل ٍ عرف قدر المحبه وسامي
فينا عقول ٍ عارفه وطبع أعراب
ونغلي حبايبنا بسلم وخصامي
ما نرخص اللي حبنا لوهم اجناب
جيل ٍ توارث هالوفا ألف عامي
الحب قبله والوفا دوم محراب
واحنا دعاته جيل والله عصامي
خلّك مع اللي للوفا دوم طلاب
يسعدك بافعاله وماهي كلامي
وإن كان ضنك فالعرب أنتهى وخاب
دوّر على قلب ٍ يعيش ابهيامي
لاجيت ضميان ٍ بيرويك برضاب
مثل الشهد طعمه ويبري السقامي
دوّر على اللي للمعاليق نهّاب
راعي الخفوق الغض غاية مرامي
صوته يطفي داخلي جمر شبّاب
وضحكه يذّوب مابقى من هيامي
الوقت معها ما أملّه ولو غاب
تضيق بي دنياي كنّي بزحامي
أنشد عن اللي لابسه من الحلا ثياب
طبع ٍ حبيب وفكرها بالتمامي
لاجيت اسولف ضمني بين الأهداب
ولا سلهمت عيني بصدره أنامي
ولا صابني هم ٍ تسابق ذا الأصحاب
وفي قربها جرحي سريع إلتئامي
خلت حياتي همها وماهي تهاب
قول ٍ تردد من عديمي الذمامي
الوقت مايكذب وفي الناس كذاب
ناس ٍ تضيع عمرها بالملامي
بصوتي
https://youtu.be/OLadF22dNPQ