أضف تعليق
ارسال الى صديق
طباعة القصيدة
مشاركة القصيدة
أبلاغ عن خطأ
+0
-0
تسجيل الدخول
الاكثر أعجابا
الاستفتاء
ماهو تقييمك للموقع
القائمة البريدية
قهوة الشوق
حمست لك من قهوة الشوق وارهيت
وصبيت لك من دلة الروح فنجال
ماها دمي والنار شوقي وحطيت
فيها من قناد الغلا خمسة اشكال
الصدق ووعود الوفاء ذايع الصيت
وحفظك من هروج القفى والتعذال
والتضحيه بالروح لو يوم ناديت
والصوم عن غيرك ولو زال من زال
ومن ثمرة فوادي خذيت و تنقيت
احلى سنين العمر مايشرح الحال
ومديت لك يمناي صدق وتعنيت
وارخصت لك في داخل الصدر مدهال
اشرب غلا قلب (ن) بوسطه تمثنيت
ياللي عيوني لك مماسي ومقيال
واسرج حنايا خافقي كل ما انويت
الصدر بابل والظلوع ارض الابطال
فراتك الشريان يا اغلى من اغليت
عليه ورد الحب من صورتك مال
ودجلاك من داخل وريدي لو اخفيت
مايختفي زرع الغلا تحت الاطلال
تدفك انفاسي بجوفي تناهيت
واشربك من دمع الوله عذب وزلال
واحسك بجسمي مع الدم وتبيت
مابين نبضاتي وشوقي والامال
الذ من طعم الشهد لو تماديت
واروع من البسمات بعيون الاطفال
والطف من النسمه بلحظة تحاكيت
كن المطر ذايب وسط روحك وسال
وابعد من امال الامل لو تمنيت
ماكنك الادمعة بعين رجال
اقلط هلابك عد من طاف بالبيت
حتى ولو ماكنت لك داخل البال