أضف تعليق
ارسال الى صديق
طباعة القصيدة
مشاركة القصيدة
أبلاغ عن خطأ
+0
-0
تسجيل الدخول
الاكثر أعجابا
الاستفتاء
ماهو تقييمك للموقع
القائمة البريدية
فهد البادي 
فهد البادي هنا قصايدالشاعر فهد البادي فهد البادي
بنت الجبل
بنت الجبل
اثبتي لي يا الحروف الابجديه
ومع هوى شعري تغني ياسحابه
سامريه مع لحون الراعبيه
تطرب السامع معا صوت الربابه
شامخه بنت الجبل جداً عصيه
مثلها مثل الصخر نفس الصلابه
له علاقاتن مع القمرا قويه
القمر يشبه شكل حضرة جنابه
من سكن حايل و روحه حايليه
مثل اهل حايل كرم طيب و ذرابه
حبها يمشي معا دم الخليه
حب حايل ياالله حيه ياهلاابه
مابعد حايل وطن يا الجوديه
مو غريب الشمري يعشق ترابه
من قديم الشمري ناره ضويه
الكرم طبعه ولافيها غرابه
ما مثل حب الوفا بالشمريه
و مثل حب الشمري لفتح بابه
فيه عند الحايلي افضل مزيه
يبيع عمره ويشتري فرحة اصحابه
تستحق المدح والاشواق حيه
وما توفّي حايل حروف الكتابه
نحمد الوالي عطانا اكبر هديه
دارنا حايل ونسكن في رحابه
قال من يعشق لسر الجاذبيه
ما سوى حايل سكن داخل اهدابه
يالله تكفي دارنا شر البليه
و شرّ حاسد مبغض وناوي خرابه
فهد البادي