حبيبي خل اسولف لك ..!

.
.

حبيبي خل اسولف لك
عن احوالي 
عن احلامي
عن آمالي
و آلامي 
تصور
من متى ابكي 
ولمن احكي
لحيطاني .. !!
حبيبي الفرحة غربه
وانا بدربه
عجزت الاقي اوطاني
حبيبي خل اسولف لك
يا كثر الحكي بلساني
تخيل تذبل الضحكة 
وادري عنهم احزاني
تخيل كلهم اقفوا ..
وانا اللي عشت وحداني
حبيبي المساء يدبر
وانا اقبل
اخبي فيه كتماني
ويخون الوقت بي لحظه
ولحظه فيه ينساني
حبيبي خل اسولف لك
ش كثر عانيت واعاني
يتوه النبض في قلبي
والم الهم واخبي 
واعزي صبري وايماني
واحس اني بلا قوه
وسط عالم بلا مروه
وسط صمتي وكتماني
حبيبي خل اسولف لك ..
لو ان العين تقراني
ولكن بالحنايا حروف ..
كتابتها تذوب كفوف
قسم بالله .. تملاني
حبيبي لا تقول  وش كان
حلمك
ايش امالك
بتخجل من اجاباتي 
بتستحقر  قناعاتي
ولكن .. لا تواسيني
ما عاد الهرج يشفيني 
ولا وقتي يكفيني
مجرد قلت اسولف لك
يبوح القلب لا يهلك
وحكي يملا دواويني