أضف تعليق
ارسال الى صديق
طباعة القصيدة
مشاركة القصيدة
أبلاغ عن خطأ
+0
-0
تسجيل الدخول
الاكثر أعجابا
الاستفتاء
ماهو تقييمك للموقع
القائمة البريدية
طاحت كتوف الرجا
من طاحت كتوف الرجا ؛ بالهقاوي
وانا عرفت إني بكون .... الجريحة
ياعودي اللي من عنى الوقت ذاوي
تعبت من ظلم ... الحياة الشحيحه
عرفت بإن قلبك على البعد ؛ ناوي
من يوم قلت إني معك مو صريحة
وشلون وانا اللي . تعبت الخطاوي
ولو هو يطول الدرب أمشي وأطيحه
تتلعثم بـ آسف .... وأمد الرجاوي
وادري بإن نيَّتْـــــك ماهــي مُريحة
اذا انت ماعادك على الوصل قاوي
انا ماعندي دمع ... وأقدر أصيحه
عيبي بإن إحساس قلبي حياوي
وابوي من يخطي بحقه .... يبيحه
ماهو عدل تعطى البشر بالتساوي
والبعض حقه ! ... ما تعدى ذبيحه
من تشبهه .... لفتة عيون النداوي
شاعر تجاريه اللحون الفصيحة
يقول ماعندي من الشعر .. خاوي
واقول يكفيه ... المشاعر صحيحة
وإن شفت إحساسك من الشِعر شاوي !
إبعد عنه .... حتى تعود القريحة .
مرام القحطاني