أضف تعليق
ارسال الى صديق
طباعة القصيدة
مشاركة القصيدة
أبلاغ عن خطأ
+0
-0
تسجيل الدخول
الاكثر أعجابا
الاستفتاء
ماهو تقييمك للموقع
القائمة البريدية
اذا لقيت احباب غابت مواعيد واذا لفى موعد تغيب الحبايب !
ليه السهر غصني وطيفك عناقيد
هذا السؤال اللي حضر وانت غايب
الليل الاكحل مبتليني تناهيد
وغيري تلاعب راحتيه الهبايب
طير السعد مهو مثل ضامي البيد
متقطعة كبده سموم ولهايب
ماهو صدر إلا قبور واخاديد
ماهي حنايا إلا والله نصايب
لا تعتذر عذرك مثل صايم العيد
فوق الخطأ راعيه مفلس وخايب
وجه المسا بانت عليه التجاعيد
من كثر ما مرت عليه المصايب
والحظ شاب وليته بكبره يفيد
يعني مثل ما قيل شايب وعايب
اذا لقيت احباب ماتت مواعيد
واذا لفى موعد فقدت الحبايب