صدفة واسنحت !!

ليش عادوني حبايب على شان النجاح

لين شفت احلام عمري تلاشت و انمحت

انثر اوراقي من الضيق في وجه الرياح

و اتكابر رغم وجهي من الحزن انّحت

ما فطر كبدي من الهم و السم الذحاح

غير فرصة للعدا جات صدفة واسنحت

العدالة تفهق الليل و تحط الصباح

قدم وجه العالم اللي تمادت ماستحت

مير ماشفت العداله و لا فيهم صلاح

شفت قومٍ كل ماطحت قامت وافرحت

يا وجودي ليت عندي على المسرا جناح

كان اهاجر للسماء واترك العالم تحت

ازعجوني ساكنين البسيطه بالنباح

كل ما ارسل قافله جات تلهث وانبحت

لوّثوني بالتطرّف تشدّد و انفتاح

قوم تسعى للتطرف ولا يوم افلحت

ولا فلح : راع( التشدّق ) ولا راع ( النياح )

لو يقول ان الخطط للمواضيع انجحت

و ظلمة الليل المهيمن قشعها فجر لاح

وتضحك عيون البطل للعقول اللي صحت

إتركوني آدمي عاش عمره للكفاح

يكفي إنّ العزّ روّح مع اللي روّحت

والحكيم اليا ملك له قلم يملك سلاح

يمتلك عقلٍ قيادي و كفّته ارجحت

@YKFEK

محمّد شويّط