رد ،،

رداً على سفيه الفعايل والأقوال

ورداً على من يستهين بقصيدي

ما جيت أبثبت لك ولا جيت محتال

وذمّك ترى ما هو ينقّص رصيدي

جريت لي من الشعر ألف موال

وأطربت ربعي لا لفيت بجديدي

ولبست لي من الجزل لبسة عقال

من دونه أرفض لو أقطّع وريدي

تشوش قيفاني على القلب والبال

شوشة زعيمٍ للكرامه عنيدي

واليا انهمر فكري من الحس همّال

تدق لي الجزله تحية عقيدي

ولا غابت شموس العصر والقمر مال

قالت جموع الناس هل من مزيدي ؟!

وإن كانها بالأصل وأقوال وأفعال

حنا عن شعور الفخر ما نحيدي

دواسرٍ نوقف كما وقفة جبال

الريح تنفخ والتثبّت شديدي

ولا دقّت طبول الملاقى نجي حال

ونجد العذيّه فالمواقف شهيدي

صغيرنا يسوى ثلاثين رجال

وكبيرنا عن ألف أو هو يزيدي

وإن كنت ناوي أضرب أشباه وأمثال

ما كنّك إلا واحدٍ من عبيدي

ما جيت أبثبت لك ولا جيت محتال

ومدحك ترى ما هو يزوّد رصيدي

وتذكّر المعنى على كلّ موال 

" الكلب ينبح والطناخه تزيدي " !

#يوسف_بن_سعيد