أضف تعليق
ارسال الى صديق
طباعة القصيدة
مشاركة القصيدة
أبلاغ عن خطأ
+0
-0
تسجيل الدخول
الاكثر أعجابا
الاستفتاء
ماهو تقييمك للموقع
القائمة البريدية
محمد بن عمار 
اخواني اعضاء ومتابعي الديوان الكرام مبارك عليكم شهر رمضان الكربم
ملمس الديباج والمخملي
ملمس الديباج والمخملي
هليّ المطر ياسحايب هاجسي المبرقه
من مزنة الفكر،، نـو ٍ بارقه يشعلي
يسيل وادي القريحة . والشعر يسبقه
يحيّي منابت قصيد ٍ روضها ممحلي
معذور راعي الهوى من صاحب ٍعلقه
أقفا..! ولا عاد جاء ينشد ، ولايسألي
من قد تعلقّ فؤاده ، في الشقا وأعتقه
إذا إبتلى ، في محبة ، جادل الهلهلي
ماصابني غير رمح الشوف والبحلقة
مركوز بالصدر جوفي منه يغلي غلي
لأبو جديل ٍعلى الأمتان ، يوم أطلقه
سافين سابح على الأرداف وامجدلي
شق الثغر فتحته ، ماتدخل الملعقه
وبين الشفايف ، بريق اللولو المذهلي
والخد في صفحته ،، معالم ٍ مشرقه
وامطوّق الجيد بأنواع الذهب والحلي
العين مدعوجة ٍ في كحلها ،، مغرقه
من يوم شفته ، وحالي منه ، متبهذلي
قمت آتوجّد وكفّ ٍ فوق كفّ أصفقه
ساعة رماني ، بسهم الناظر الأكحلي
وشوفة بريم ٍ زمابه مثل راس فشقه
في روضة الصدر لاهايف ولاممتلي
قال أنت قلبك خضر، لابد ما نحرقه
مادام درب الهوى والعشق به يجهلي
ردّيت عجل ٍ وقلت القلب فيه اشفقه
لا شك من شوفتك ، الفكر،، متبلبلي
إلاّ أنت ياروح روحي ليش هالنعفقه
ماتترك الجم ّ ، للعطشان ، به ينهلي
صافحني ، بكفه اللي له بياض ورقه
في باطنه ، ملمس الديباج والمخملي
فيه النعومة ، حرير ٍ داخل الشرنقة
مع الخجل صار بالألوان ، يتشكلي
من طب في بحرعينه لو ركب زورقه
يغرق ، ولو كان سبّاح ٍ ويتمشكلي
يالايمي في وليف الروح ، منتب ثقه
ليتك تخليك ،، في حالك ،، وتتجمّلي
بعض العرب يتعبك بأموره المزهقة
والبعض يسمع سلامك له ويتجاهلي
ياعنك راعي الحسد ، يبان من منطقه
مهما تشدق ، بلحن القول واتمهزلي
وش مقصد اللي سعى للناس بالتفرقة
ماخاف ، من واحد ٍ فوق الملأ معتلي
يالله عسى من سعى دمّه يخلط عرقه
يبلاه والي السماء ، ويطيح متحرولي
لوتوصل ايديه قلبي في حشاي سرقه
الحقد ، والكره شيء ٍ ، فيه متأصلي
راعي الهوى لاطراله هاجس ٍ صدّقه
يون وصدره من الزفرات متخلخلي
يسهر وهوسارح ٍ فكره مع اللي عشقه
نومه على الكوع من ضيقـه ويتململي
شباب والشيب خضّب ، بالصبا مفرقه
واهموم قلبه بجوفه ، نارها تصطلي
ياحظ من هو فؤاده في الهوى ما اقلقه
ينام مرتاح وباله .! في المحبة خلي
مهو بمثلي .! لهيب الشوق به مرهقه
في حب راع العيون اللي معه مبتلي
كم مرة ٍ قلت بأفرى الجيب وأشققه
وأطوّح الصوت وأنخاعزوتي مع هلي
وأصك باب الهوى عن كل من يطرقه
وأنعم بنومي ، وهمّي عقبهم ينجلي
محمد بن عمار ــ جريح القصيد