أضف تعليق
ارسال الى صديق
طباعة القصيدة
مشاركة القصيدة
أبلاغ عن خطأ
+0
-0
تسجيل الدخول
الاكثر أعجابا
الاستفتاء
ماهو تقييمك للموقع
القائمة البريدية
غض البصر !
غَضْ البصر يفرض عليك اختلاسه
لامن تعوذ منك "واحد و عشرين"
شيطان طهره لو بدا لك ! نجاسه
كن مؤمن واياك مكـر الشياطين !!
غن لفـضا بالـك رغــم إحتبـاسـه
وابني لعثرات الزمن طوب مع طين
كن بانفرادك عنّهم شبه " ماسه "
وجاري بجوهرك النقي الشياهين
خلك "لطيف " وخل عندك " شراسه"
القرش الابيض ينفعك : مابعد حين
واللي نـقد فكرك عـلى : التماسه
ماحد ٍرغد بالعيـش غير "المجـانـين "
والمشـتبه لاحـز فيــك ، التـبـاسـه.. !
لا يشتبهلك شي خـلك على الـدين
اسهل من احلامك ترى الانتكاسه
من قمة "ايفيرست" تاصل "لقزوين
" علـمٍ توارثـتـه يجــب : إقـتباسه "
واملـي فـراغ المـجتمع بالمـضامين
وعلى سبيل انك تعيش بـ تعاسه ..!
شف الفقر "قطّب" حلوق المساكين
" سياسه التعقيد" صارت سلاسه
بين الاكيد وبين يمكن وبعدين.. !!
ماهي سياسه بس صارت سياسه
(( هذا الاكيـد موثـقٍ : بالبراهين ))
حلمي حذفه الواو "تحت الدراسه"
وليا نشدتـه قيل هـذي " قوانين "
والعلقم اللي بالصدر صب كاسه !
شربـته و قدمـت صـبري فـناجين
شحت ينابيع الفرح و الونـاسة
وروح الحياه المترفة "صابها عين "
ثوب الامل ضيق علينا .. مقاسه !!
" وسوق الاماني " كل ابوها فساتين ؟
لامن غدا " المرقوق " سيد النخاسه
صرنا بزمانٍ يجمع الزين بـ الشين !!
ماعاد ميزنا الذهب عن : نحاسه !!
باوطاننا صرنا بحسبة " غريبين"
من : "قدس الله" سر راعي القداسه
شفنا عدات حسين تبكي على حسين
نضحك وفـاه الوقـت به " انعباسه"
به كشـرةٍ ماظنـها يـوم بـ تلين...!
دام الربيع اللي بذرنا.. غراسـه
هشِّم بذرو الريح وامسى ولا شين
شعر : عبدالرحمن جابر