أسف

اسف على ضيق صـدرگ ليلة البـارح
والله ما كنـت ادري فيـه عن نفسـي

البعـد قاسي ومتعـب والجفـا جـارح
شـيٍ حفظتـه وخليتـه مثـل درسـي

الحـب ينبض بـ قلبي والفكـر سـارح
من شق صبحي افكر فيگ لين امسي
                
يـا خـاطـرٍ ودي انــه رايــق وفــارح              
كل الخواطر جِثـاث وخاطرگ غرسـي

اسف اذا الضيق في امسگ معگ مارح
آهٍ مـن همـوم فيني مشـدده حبسـي

الظرف لامن قسى عـ الآدمـي طـارح
وامواج الاقدار صعب بوسطها نرسـي

جـرح الغـلا للمشـاعر مـلهـب وقـارح
واكبـر قهـر لا عراهـا شـگٍ ولبسـي
                                     
تدري احبـگ وماني لـ كلمتـي شـارح
مـا فيـه معنـى يمثل تمـتمـة حسـي

الغريبـه

----------------------------------------

قـصيـدة آســف يـ الـغـريبـه لهـا دور

في قلـب منهـو تـاب طـرد الـغنـاديـر

قـصـيـدتـك جـزلـه ولا مـرهـا قصـور
صـح اللــه لـسانـك ومكثـورت الخيـر

سالم بن روضه.. 

الرد.. //

وافـي يـ بن روضـه وكافـي ومشكـور
فـي وصفـك [لآسـف] وزيـن التعـابيـر

قصيـدتـي قطـرة ألـم شـعلـة شعـور
صـح اللــه ابدانـك رحـابـه وتـقـديـر

الغريبه