أضف تعليق
ارسال الى صديق
طباعة القصيدة
مشاركة القصيدة
أبلاغ عن خطأ
+1
-0
تسجيل الدخول
الاكثر أعجابا
الاستفتاء
ماهو تقييمك للموقع
القائمة البريدية
ديمه عبدالله 
بسطوري حفنة من رماد الغياب
ثورة اهمالك
صَنعت
من عُود بُعدك / ناي متهالك
ما يعزف إلا مشاعر منْك مستاءه
يومك
تغيب و غيابك يشبه وْصالك
والوقت ماعادت اشياءه هي اشياءه
كنت
الدوا من قبل لا يختلف حالك
والحين قلبي يشوفك سبة اعياءه
واحساسي
اللي قتلته في طرف جالك
ماعاد لك صاحبي قُدره على احياءه
تدري
وش اللي نتج عن ثورة اهمالك!!
زار الخريف الحشا واستوطن انحاءه
لين
الورق طاح / وادلى غصنه بذلك
ينعى حفيف الورق في موتة افياءه
وإن
هبت الريح هبت من ورا شْمالك
ريحٍ خذت ماولت من باب ما جاءه
والخافق
اللي على كف الوفا شالك
تعال وادفن خطاه و جمّع اشلاءه
لاصار
صبحي شبيه الادهم الحالك
وأموات شوقي تشابِه بوهة أحياءه
قلّي
بربك وش اللي يشفع ابقى لك
والموطن اللي بقلبي طابت أرجاءه
صَنعت
من عُود بُعدك ناي متهالك
وصار الألف ياخطا عمري مثل ياءه
ديمه عبدالله