أضف تعليق
ارسال الى صديق
طباعة القصيدة
مشاركة القصيدة
أبلاغ عن خطأ
+0
-0
تسجيل الدخول
الاكثر أعجابا
الاستفتاء
ماهو تقييمك للموقع
القائمة البريدية
ديمه عبدالله 
بسطوري حفنة من رماد الغياب
عهد الرفاقه
بيّض الله وجه جرحك يوم جرحك صار جاير
جرح علمنـــا الصلابه والخفايا والحقيقه
يوم كف الطيب تملى بالمكارم شخص باير
بار في عهد الرفاقه ولاحشم عشرة رفيقه
باع سري للغريب وصار ب الأسرار داير
وصار كلن في حياته يختلف منهج طريقه
كنت اماري به وافاخر بالخوي بين العشاير
واذكره بالخير واعمل من مواجيب السليقه
كنت احسْبِ إنه أصيل وبالصداقه حر طاير
يكفخ بْطيب الفعول ويحفظ وداعة صديقه
وكنت احسْبِ إنه مقيمن بالحشا ماهو بزاير
لين مالاح الظلام ولاح فرقاه و نعيقه
رمح غدره في كنيني باقين للموت غاير
يتبعه سيف الهموم اللي على عنق الدقيقه
والله إني من سواته ياعرب لا الحين حاير
والحنايا من عشمها بالردي عاشت بضيقه
الزمن ماله أمان وكل شي جايز وصاير
لو تشوف الخل يجحد والاخو ينسى شقيقه
يصلبه وقته ليا من حاشته صلف الدواير
والحسافه والخساره فيه مذبوح العقيقه
ديمه عبدالله