التجارب ولاشي

العمر رحله والتجارب......ولاشي

لوالحذر رد القدر ماحصل عوق

واصحابك اللي همها اللبس والزي

بضاعة" ياكثرها داخل السوق

وإن قالوا آخر طب للعله الكي

وشلون اروم النار لملامس الموق

وانا فقدت من الزمن راحت الفي

االي بها المامن عن الغدر والبوق

واحدن على فرقاه قمت اصفق يدي

واحدن على لاماه يدفعني الشوق

 واحدن يوردني على سكة الغي

وامشي معه برضاه واشتاق واتوق

واحدن يساوي عندي الزاد والمي

اضيق لامن ضاق وإن روق ارووق

يالي هقيت انا على هقوتك بي

عزيز والدنيا تقاسيم ووفوق

ياللي علی بالك دفنت اللغم لي

حقك علينا تاخذ الطاق مطبوق

وشلون بعيونك تلد النظر في

وانت انتهكت حقوق واقفيت بحقوق

مريت ماضريت وانطح جبل طي

واللي يناظر للجبل يلتفت فووق

الراس مااوطيه مادامني حي

لوينزع من داخل القلب معلوووق

الحميدي المونس