أضف تعليق
ارسال الى صديق
طباعة القصيدة
مشاركة القصيدة
أبلاغ عن خطأ
+0
-0
تسجيل الدخول
الاكثر أعجابا
الاستفتاء
ماهو تقييمك للموقع
القائمة البريدية
ظلال الوايلية 
ابوي رباني على حشمة الناس اللي يقدرني له القدر عندي
شاعرات وطن
اليوم حلمي تحقق وابتدا نوره
نوره على الكون يشرق من ورى اسواري
عشرين عامٍ وانا بالشعر مأسورة
من قبل وجهي يعانق طلة خماري
القلب برواز والكلمة هي الصورة
مابينهم طير وصلٍ للوفا ضاري
بيدين بنتٍ حشيمة نفس دكتورة
يشوش راس الشعر لاجبت له طاري
تحقق الحلم والنيات مدحورة
والبنت صارت تقول الشعر وتجاري
من عقب ماهي حبيسة حرف مقهوره
والخيبة تجرها والحرف متواري
العين تدمع شعر ماتشتكي جوره
ولابان كنه غصن متهالكٍ عاري
واليوم وازهارها بالغصن مسروره
تمايل بعطرها الفواح وتماري
باشاعرات الوطن بالملعب الكورة
تصدرن بالصدارة وأسر ياساري
يوم الكواكب تلوك القول مبهورة
مالومها يومها من فعلنا تغاري
اليوم دربٍ الردى يمناه مبتوره
والشعر يبدع حروفٍ تتعب القاري
ياما عزفت الأمل بالحان عصفوره
وسقيت ورداتي اللي في قفى داري
واكتب على الغصن حرفٍ تايهٍ شوره
وارتب أشعاري اللي فكرها حاري
اذكر حرقت الورق واشعلت به ثورة
ورثيت ذكرى الشعر في صفحة اسراري
وخليت قبرة تحت غيمات ممطورة
ماكنت اظنه يعود وتنبت ازهاري
واليوم شفت الخديج بروح مغمورة
فز وترعرع كما فزات الابكاري