وحدك انت

وحدك انت .. فيك ميلادي العمر وبيدينك وفاته

وحدك انت .. من عجزت بغيبتك اكمل ادروب الحياة

وحدك انت .. من زرع فيني الضياع وحزن قلبٍ ما نساه

وحدك انت .. من يذوب شمع عيني ويخنق الصرخة نداه

وحدك انت .. من قدرت تلاشي الماضي وتنهي ما بقالي

وحدك انت .. من تركني بوحشه ايامي ولهموم الليالي

وحدك انت .. من تجاهلني .. وقلبك من وفالي

وحدك انت .. من قتلني .. ولا درى بالي جرا لي

وحدك انت .. كل حبي .. كل عمري .. كل غالي

وحدك انت .. من فداه العمر يفنا منطوي بحزني لحالي

وحدك انت .. يا بعد ناسي .. ويا تاج الأماني

وحدك انت .. من قدرت تناقض احساسي وتجعل كذبتي تسكن لساني

لو اقول اني نسيتك .. لا عشقتك لا هويتك

لا تصدق .. اجمع انفاسي واقول بداخلي ( اكذب فديتك )

والله اني بالدقايق .. بالثواني .. احتريتك

اتتبع خطوتك وأقول ليت اندل بيتك

لو هلك ما يرخصونك .. بغالي اثماني شريتك

لو اقولك ما خفا من صادق احساسي ( نهيتك )

بس خل الي خفا بقلبي يلجمه السكوت

دام نلهث خلف احلامٍ قبل نوصل تفوت

لا هتنينا  في الحياة ولا بقا شي ونموت

ويبقى حبٍ ما تخللته خطايا

غير صدق احساس ما خذنا عطايا

همنا نحيا ونهنا حالنا حال البرايا

بس تدري

اصدق الامثال تحكي

ما بقا للطيبين بهذا الزمان اية مكان

و احنا كنا .. طيبين !!