أضف تعليق
ارسال الى صديق
طباعة القصيدة
مشاركة القصيدة
أبلاغ عن خطأ
+0
-0
تسجيل الدخول
الاكثر أعجابا
الاستفتاء
ماهو تقييمك للموقع
القائمة البريدية
بدر المطوطح 
لولاك ما زدت الحطب في تغليك كان الامور بخير و القلب يفداك
مملكه الشعر
الشعر عندي مملكه كلها حروف
و انا المليك الي بَدع في حروفه
لو كنت ابسمع كل جاهل و ملقوف
ما كنت شاعر يسعد الناس شوفه
ما هو كِبر لكن على الله بتشوف
شاعر جزل ماهو عليه الحسوفه
و جمهور شعري كلهم عندي ضيوف
و انا الكريم الي يقدّر ضيوفه
انا انقطع احيان من سبّة ظروف
و الشخص لابدّه تحكمه ظروفه
خذها نصيحه يا رفيقي إمن الجوف
و صاحبك شايلك معزّه بـ جوفه
كيلو الذهب وزنه مثل كيلو الصوف
ما يجهلك يا صاحبي و معروفه
مثل الاوادم بعضهم كامل وصوف
و ليا بخصته حيل والله تعوفه
و احذر من الي حكيهم كله حلوف
و علامه الكذاب كثرة حلوفه
واحرص على الرجال لا صار به خوف
خوفن من الرحمن يا حي خوفه
ولا تفتخر و تقول انا ربعي الوف
وقت الشدايد واجد الي بـ تطوفه
و درعك بني عمك تراهم لك سيوف
و الرجل بالصكّات ينخى سيوفه
ورجال ما قصّر عشانك إبِـ مْعروف
عيب اتناسا فزعته و إمعَروفه