خيول وصهيل

أول الدرب يـــــــــــــوم القاك عابر سبيل
يوم قلبـــــــــي بغى بعض العذاب وبغاك

ما دريت أن جرحـــــــك قبل أحسّة بخيل
حاجتــــي فيك جرح وعندي أغلى عطاك

كل ما تجدب جروحي جروحــــــي تسيل
يكبر الجرح فــــــي صدري ويكبر غلاك

لا فقدتك كثير ولالقـــــــــــــــــــيتك قليل
جيت واقفيت عنـــــــــي من خلاك بخلاك

وشحت صورتك عــــــــزم حلف ما يميل
يطوي الجرح من دونك وعينـــــه وراك

واسرجت داخـــل اعماقي خيول وصهيل
قلت أبكتبك فــــي شعري وابسمع صداك

قلـــــــت ابشربك بكفوف الهوا سلسبيل
أسقني لعن أبو جــــــــدك ذبحني ضماك

أتحراك مثل الظامــــــــــــــي المستخيل
أشحذ الغيث بعيوني وأنـــــا أشوف ماك

فرحتــــــــي فيك هم وضحكتي فيك ويل
وراحتي عند غــــــيرك ما تساوي شقاك

أنت لا غبت كـــــيف أنساك وأنت البديل
في غـــــــــيابك حضور وحضورك ملاك

كل ما ذعــــــــــذع الغربي وهب العليل
أحسد الريـــــــــح لا شمك وفاح بشذاك

من ورا الزين مـــــــا شاالله كلك جميل
مابعد شفت من شـــــــافت عيوني حلاك

انت كــلك وانا ادري من ورا المستحيل
بس أنا حر فـــي عمري وأبا اتبع هواك

عادي اني على شانك عــــــذابي طويل
القمر لــــــــو يشوفك راح يمشي وراك

عواد بن طواله