ثوب اللقاء

إسمعي لحظه قبل لا تخذليني

                  جاوبك صدري قبل ما انتي سألتي

إيه أحبك والبلا ماهو بـ فيني

                  البلا منّك رغم هذا زعلتي

كنتي أجمل عابره كانت تجيني

                  وكنتي أطهر غايبه لكن حضرتي

وش تبين أكثر من إنك تاخذيني

                  جيتك بكبري ولكنك نكرتي

هاتي جروحٍ تركتيها لـ بيني

                 ماكسبتي من جروحي غير صمتي

حققي أكبر طموح وفارقيني

                  لو طموحك تقتليني ماقتلتي

ليه طيّب هالتعب دامك تبيني

                  من اساس جروحك الاولى قطعتي

لكن الحين اسكتي بس اسمعيني

                  وبس هذا مطلبي لو ماطلبتي

إلبسي ثوب اللقاء ووادعيني

                 لـ اجل أعشم نفسي انك مارحلتي