تسجيل الدخول

الاكثر أعجابا

عبدالكريم الجباري المعجبين:129
عفاف الشمري المعجبين:95
نافع بن طواله المعجبين:94
بركات الشمري المعجبين:89
علي الضوي المعجبين:82
بندر المطيري المعجبين:82
فرج صباح المعجبين:79
ديم الفيصل المعجبين:77
لافي ذباح المعجبين:76
سعد الخلاوي المعجبين:74
عواد بن طواله المعجبين:73
شواهق نجد المعجبين:71
بدر الحمد المعجبين:68
نبض الحيارى المعجبين:65

الاستفتاء

ماهو تقييمك للموقع
  •  

القائمة البريدية

>> بندر المطيري >>

عـاشـق ،،، الـتـمـثـال

بندر المطيري  الكويت

هـم علموني كيـف طعنات الأحباب !! وعلمتهم فـ الطيـب .. معنـى الرجوله !!

2013/01/1106:35 pm
عدد المشاهدات : 621

عـاشـق ،،، الـتـمـثـال

 

المواقف ترجمة ،،، كن الصدور !
يوم ضاقت بي الوسيعه باحته !
 
لاتقول ،،،، بحزة الضيق معذور !
خابر'ن ،، وزن الكـلام وساحته !
 
يرحم الله من سكن وسط القبور !
أشهد أن ضلوع صدري صاحته !
 
يوم بيّن ،،، من بغا فيني كسور !
لجل يلقابي ،،،، سبيل لـ واحته !
 
مادرا من ،،، سبـتـه دمي يفور !
طاح من عيني ،، أو انها طاحته !
 
وان عطاه الحلم جنحان الطيور !
ما يمرجح واقعه ،، بـ مرجاحته !
 
وكان طافت مايجيب الحق زور !
الـرجـل ما يامن ،،،، لـ ذبـاحته !
 
وانا مثلي ،، مايجي منه قصور !
ماشرى ذل الظروف ،، لـ راحته !
 
كسر خبز'ن يدخل بصدري سرور !
ولا اعيش ،، وكن عيشي شاحته !
 
وان بدابي ظلم ،،، وجه الله نور !
وكـل يـمـة خير ،،،، كفي لاحته !
 
أحمد اللي زادني علم وشعور !
مغني الله ،،، نفسي بما فاحته !
 
لكن أسمع وأستخر في كل شور !
البـحــر ،،،، يـاكـثرهـم سبّاحته !
 
والمطر بالخير ،،، ماخص الزهور !
والقدر ،،،، مافيه نفس ارتاحته !
 
والسنه تلخيص ،، لـ أيام وشهور !
من ظروف ،، أجتاحها وأجتاحته !
 
والكرم ،، من حازبه وجهه سفور !
والردي ،،،،، مازاد عـن مدّاحـته !
 
والنميمه طعن ،، من خلف الظهور !
مثل طعن الـقـول ،،،، مـن لمّـاحته !
 
والطبيب أليا لقا ،،، راسه يدور !
يطلب امن الغير ،، طب اجراحته !
 
والرجـل لاقصر فـ بعض الأمـور !
دق ناقـوس الخـطـر،،،،، رماّحته !
 
وين هو ربان صبرك ،،، ياصبور !
نـاكبـينـك ،،، مـركـبـه ومـلاّحـتـه !
 
والحـقيـقـه ،، لا تـلـف ،، ولا تـدور !
عاشق التمثال ،،،، يـ عشق ناحته !
 
يعني ابقا شخص من بين الحضور !
ولا ،، ابقا ( شخص ) جمله زاحته !

أضف تعليق
ارسال الى صديق
أبلاغ عن خطأ