أضف تعليق
ارسال الى صديق
طباعة القصيدة
مشاركة القصيدة
أبلاغ عن خطأ
+0
-0
تسجيل الدخول
الاكثر أعجابا
الاستفتاء
ماهو تقييمك للموقع
القائمة البريدية
٤ جروح
( طاح الأمل وشلون؟ مدري كذا طاح
واجتاحني هم السـهر ذابـت الروح
( طاحت مع طيـح الأمل كل الارواح
واستسـلمت من طيـحته أربع جروح
( جرح الحنـان اللـي عطيـته ولا بـآح
خلانـي اعزم دمـعتي طلعـة الضـوح
( وثـقت به . لكن طلـع جرح ذبــّـآح
مجروح لكن عن ثـلاثـين مجـــروح
( والثآنيـه جرح الزمـن قصد الاصـلاح
خلــّـى طيـور الحـلم في وجـه مفضـوح
( والثـآلثـه فـقد ( الأبـو ) ضـيق واجتآح
صدر اليتــيـم اللـي من الضيــق مفتـوح
( طـآح الهرم مآلوم قلـبـي اليا فــآح
كل المشـآعر في مطيـحه لها فــوح
( والرابعــه مآبـين قآصد ومـــزّاح
جرح اصدقـآي اللـي جبــرني على البوح
( أصحآب . لكن داخل اصحابي اشبآح
قـضـيـّـتـها مآبـين تسـلم ومدمــوح
( طاح الأمل واشعلت له شمعة اتــراح
واهداني استـسـلامي لعبـرة النــّـوح
( كـن السعاده بالزمن غصـن تفــّـآح
والقلب كنــّـه من هنا الوقت مشـفوح
( حـتى قصيدي من درابي معي صـآح
صآح لحمــآمة ضـيقي وغنــّـت الدوح
( إن قلت لي شخبارك؟ وقلت لك ( آآآح )
مجبور اصيـح وداخلي أربع جــروح
( طاح الأمل وشلون؟ مدري كذا طآح
ثم زارني ظلم السـهر مآتـت الـــروح
طلال الروضان