اللحون السامريه

تعداد ما غرد على نايف الدوح

طير يرفرف بالجناح ضحويه

يا مرحبا واهلين والباب مفتوح

اقلط على مركاك يالله حيه

يابو محمد حال الاحباب مفضوح

حيث الهوى مافيه حاجه خفيه

واليوم دام انك تكلمت بوضوح

حبيت اوضح لك حلول القضيه

تقول ابوها شيخ يمه نبي نروح

حنا شيوخ العزوه الاسلميه

اقولها وانا  بلا شك ناصوح

لا تشيل هم وخل همك عليه

كانك تبيه وباني لجله صروح

عليك بالصبر الجميل لمجيه

وليا لمحته بدل الصمت بالبوح

قله تراني قيس يالعامريه

صوتي من الونات يازين مبحوح

وحبي على وضح النقا يا نقيه

وان قال مالي فيك غايه ومصلوح

عف وتعفف يا حميد السجيه

مادام حضك ماش ولا معك نوح

اصبر على تدبير رب البريه

ومثلك عزيز النفس ماهو بمشفوح

خابرك صافي قلب ونفسك رضيه

بالبر ذيب وداخل البحر سابوح

تجمع مبين الفعل والشاعريه

وانا علومي جد ما عندي مزوح

احله ان ماحلها الحايليه

جتك المعاني مثل مسمار بلوح

ملحنه ولحونها سامريه