حبك بقلبي ..

البارحه سهران والناس هجاع

مدري علام العين هي والسهديا

عيّا يزين الحظ ياخوك ماطاع

ماعاد تنفع حيلتي ياحمديا

كاني بغيت اللي على الطيب طماع

لا شاف زولي راح فرّ ولبديا

ودّي بشوف اللي له القلب يلتاع

لا والله ألا حال دونه عقديا

لجله صبرت وللعواذيل بيّاع

ومثلي على صعب المواقف صمديا

يطري على بالي إليا هبّ ذعذاع

ولامن طرالي رحت أبجلس وحديا

وأقول حبه كله أحزان وأوجاع

ومن جور حبه مالقيت السعديا

يابو عيون وساع يازين الأطباع

إرجع على اللي لجلكم ما رقديا

محدٍ يعد هموم قلبي .. بالأصباع

وحبك بقلبي مالقوله .. عدديا

ميزان حبك راجح بكل الأنواع

وبُعدك يزيد الهم هو والنكديا

قلبي وروحي والنواظر لك أتباع

إنته مليك القلب حتى لحديا

سالم علي الشمري [[ مانخون العهد ]]