للصبح قصه ناقصة تسلب النور

للصبح قصه ناقصة  تسلب النور

فقدنا بعتمة المسراء معاني تكتمل فيها

اماني , ترسم في حايطٍ مكسور

جميع اشياء تحوينا  تلاشت , ضاع ماضيها

بقايا بس  تسكنا

واشباحٍ تخاف ظهور

ضجيج الفكر يرهقها , تعبنا لا نهديها

أناجي الصبح وأتساءل وانا مقهور

ما تعبت ؟

ما كبرت بعين نفسك والزمان يدور

ما تمنيت التمرد واقدارك تعاندها

ما خطر لحظه تأخر في الحضور

تشقلب الساعة وتغير في مواعدها

بس جرب 

حاول انك من قوانينك تجرد

ونفسي معك ,, جردها

تعبت احايل الفرحة قبل تولد بعيني ,, تموت

تعبت اصيح  لا صوتي وصل حتى الصدى مكبوت

تعبت امشي في لليلٍ مظلم ٍ مرعب

وتجي ناقص بك الاشراق

حضورٍ ينتهي  بفراق

جديدٍ ما ختلف عن قبله وبعده

أمانه  ما تحسك شاق .؟

تمنيتك تجي متبسمٍ مستكمل اشراقك  

اشم الورد في نسمة صباحك  والفراش يطير

وتهمس لي صباح الخير

وتجبر خاطرٍ مكسور

و تكمل قصةٍ مبطي حبيسه دفترٍ مهجور

تعال وقلب الصفحات

تلاقي حرف مبهم ما حوته سطور

بعد زفرة فراغ  ,, اجتاحت الصفحة تجي نقطه .

حسافه ماتت الكلمات وضاع احساسنا فيها

ولا حرفٍ يـ ترجمنا , ولا سطرٍ بيحوينا

حكاية ضايعه اعوام

عجزت انك تكملها

اونك تنتهي فينا

صباحي  لا بدت شمسك تبي تشرق

بغمض عيني ,, وبقفي الم واحضن اوجاعي

وآتوه بعتمة المسراء

وآآآتوه بعتمة المسراء

وآآآآتوه بعتمة المسراء

.

 وعساك تحس بغيابي !