حسد انسٍ وجان

:

أه من وقتٍ مضى ما يوم زان  

 ........   كل حلمٍ انمحى بالسافية

راح عمري بين ما كانا وكان 

  ........   لا لقيت من الحلول الوافية

انصحوني ارتقي بهل البيان  

 ........   يا عسى تظهر امورٍ خافيه

قالوا العله حسد انسٍ وجان 

  ........   اسالي ربك يجيب العافية

من سببهم ما بقالي من مكان  

 ........   لا قريب ولا نفوسٍ صافيه

عزلتٍ هدت طموحي والامان  

 ........   الاوادم في عيوني جافيه

كل يومٍ احسب ان الموت حان  

 ........   من بلاوي جاتني متلافيه

اتركوني للشقا حتى الخوان  

 ........   ما لقيت من المعاني الدافيه

ارتضوا اقضي حياتي بالهوان  

 ........   وثقوا زيفٍ عجزت انافيه

اسكبوا كل الحزن بين المحان  

 ........   كل شمعات الأمل بي طافيه

ذابلٍ وردي وانا بالعنفوان  

 ........   فرحتي مبطي بجوفي غافيه

وش يعذرهم وفعل الظلم بان  

 ........   اكتسى فجري ليالٍ ضافيه

اسأل الله العوض باعلا جنان  

 ........   والله يجازي العقول الهافيه