لا تقولوا لي وداع

لا تقولوا لي وداع وتتركوني للضياع 

 ........   ارحموا حال المعذب نورو باقي سنينه

شوفوا امواج الحزن قامت تلاطم في صراع 

 ........   ارعبت مفتون حاير ينقرا الهم بجبينه

يا عنانا من مقاديرٍ حدتنا دون داع

 ........   غيبت عنا فرحنا  وقتلت فينا السكينه

لا تحسبوني جزوع ولا تضنوني شجاع 

 ........   والله اني هالكن من ضيم وقتي والغبينه

من يعيش بقلب مهجورٍ وبيبانه شّراع 

 ........   يلفحه طاري هواكم من يسار ومن يمينه

اشهد انه طايع غصب وقبل امره مطاع 

 ........   جاهلٍ من زود طيبه ما حسبكم مرخصينه

ماقوينا البعد لحظه ولا هقينا مستطاع 

 ........   والوداع الي نخافه حاصلٍ لو طال حينه

والله اني احس موتي حاظرٍ في كل ساع 

 ........   لا تمادى اختناقي واتعب الي مسعفينه