عودت نفسي / ما تحسف على شي !

:

 عودت نفسي/ ما تحسف على شي  !          

         ........  لو كان غالي  ارخصه لنهِ  قفا

من عاش  بالظلمة  ترى  يكره   الضي          

            ........  وأنا بوسط الليل  صرت أتخفا !

خلف الســراب   اركض , أدور على في          

            ........  ما مال لي ظلٍ  ولا نلت شفا

داويت  جـــرح   القلب   مجبور  بل كي          

            ........  كود اللهيب إلي تزايد  يخفا

زودت  في  ضيمه , تعـــــذب  وهو  حي           

            ........  من حسرتي صكيت  كفٍ بكفا

خســــران في دنياي  لا ذي / ولا ذي          

            ........  طال العنابي  لين كفا ووفا

يا زينها   الظلمة     ولو  ما بها  شي          

            ........  يكفي أألف من خيالي  وصفا

بنات  فكـــرٍ   جافــــله    تكـــره الغي          

            ........  يلها بها الشقيان  لا يستخفا !!