ما عاد به من يستحق الملامه

ما عاد به من يستحق الملامه  

........  النفس طابت ما بقالي على اللوم

من زارني يبشر بطيب وكرامه  

........  ومن يثقل الخطوات ما هو بملزوم

اشكي صواديف الزمان وسهامه  

........  من فعلها للحين مازلت مصدوم

بين الضياع وعيشتي بالغشامه  

........  تمر لحظاتي ولحساس مكلوم

مادام صاب القلب حزنه وضامه  

........   اصبح بعين اقرب محبيه مذموم

ابني الحلم وتهالكوا في هدامه  

........  يسقون من عذب الاقاويل مسموم

بعز احتياجي ما لقيت الشهامه  

........   الي تطيب لمنتخي القوم مهزوم

راح الزمان الي ينفض ركامه  

........  افعال ناسٍ ما تخللهم ارخوم

تثقل همومي الروح وتثقل عظامه  

........  جسمٍ هلك مطروح يشكي ومضيوم

وين الخطاء ؟ قلبي وش اكبر اثامه ؟

........  رحلة عمر احساسها الحلو معدوم

صبحي تشابه مع مساي بظلامه

........  وافج صدري لناصرٍ كل مظلوم

ولا الملامه ما بقالي ملامه  

........  النفس طابت والأمر صار محسوم