حكاية الطفل البريء

كنت أحسبك عادي تغيب وأثري غيباتك قشر
شفت الوسيعة شكبرها وشلون في مثلي تضيق

عمري أنقضاء / قدر وقضاء ماكنت أتوقع تمر
زهرة شبابٍ يانعه / توه في أول هالطريق

حكاية الطفل البرىء / فـ أيام يقضيها عُسر
وأمه مع أبوه بخصام ولا لقاله أي صديق

يجهل حلول المسألة / المسألة وسط الصدر
بين الموانيء والسفن والموج مايرحم غريق

فجاءة ظهرتيله بـ / ملاك وتلوحيله بالنصر
يعني أبجديات الحياة / يغيره الجنس الرقيق

كبرك معك مع ضحكتك / في دائرة ماله قطر
ترك جديد الحاضرة / مُغرم بشيءٍ من عتيق

أنتي مطر/ في غيبتك الموت يبداء بالجذر
لين الزهور اليانعه تفقد عذوبة هالرحيق

انتي سفر/ ويجوزلي في سكتك أنوي القصر
لو الأصل نجمع شتات أوقاتنا قبل الحريق

كنت أعذرك لو تغيب / لكن مالك أي عذر
تترك قلوب أطفالكم في منتصف ذاك الطريق