أضف تعليق
ارسال الى صديق
طباعة القصيدة
مشاركة القصيدة
أبلاغ عن خطأ
+0
-0
تسجيل الدخول
الاكثر أعجابا
الاستفتاء
ماهو تقييمك للموقع
القائمة البريدية
المطلاع
صفى الصيف من حره وغطت عليه غيوم..
وروحي على المطلاع والوسم شفقانه..
وطاري الشتا يجلب على القلب كثر هموم..
تورد على المشتاق وتقلب احزانه..
وجفني هجره الراح حرم لذيذ النوم..
اعد النجوم الشهب والعين غرقانه..
على الظالم اللي راضي بظلمه المظلوم..
خطاه العدل والحكم بيدين سجانه..
قدر يصبر المسلم على الحظ والمقسوم..
وطول الهجر يجزعه ويقلل ايمانه..
ترا الحاكم المغرم غدا بالغلا محكوم..
يزيد القهر لاصار حكمه لعدوانه..
وانا لوشريت الوصل يصعب على السوم..
من الشوق والدمعات والبعد غرمانه..
وغصن الغلا وشلون ينعق عليه البوم..
ومن اول ربى القمري وغرد على اغصانه..
نما الشوك عقب الورد والنفل والمشموم..
سكنه الغراب وحام بارضه وريضانه..
جزا القلب عن غيره ولافاد كثر اللوم..
ولا ينفع الميت بكا امه وخلانه