صيحة الديك

تـبـدا صـباح الصنادق صيحة الديك
          ويــداعــب الـنـور خــصلات البنية
ويــحيـن تـشـتـيت الاحرار المماليك
          الـلـي تـعـيــش الـكــدر والـلاهـوية
وحـش الـكـآبــة يطـل مـن الـشـبابيك
          ويـكـفـن الـجــوع آمـــال الــبــريـة
أفــواج تــتــدافــع بــلـهفـة مـهـالـيك
          والـمـحـسـن الـفـض يخـتـال بروية
بــوجـيـهـهم بــصـمة الاقدار تنبيـك
          عـن فـعـلـة الـفـقـر بـالـنـفس الابية
والـمـقـبـرة حـارة الغــيــاب هــذيك
          يـاكـثـر مـاضـمـت وجـيـه ٍ رضية
عــاشـــو يـمـوتـون بالـفزعة ولبيك
          ومــاتـو يـعـيـشـون حـلـم الـتـابعية
وانا خيالي يـرفـرف بـي حــوالـيـك
          للـنـاس حـالـة وانــا عـنـدي قضية
يشبه رحيلك عبث من ارض مغليك
          وردة مــن ريــاضــها لـلــمزهرية
كان الندى صاحبك والطير شـاديـك
          وصـرتي اسيـرة خزف يانرجسية
مـلـيـت عـشـريـن عـام وعام اناديك
          وكدت اجزم إن الهوى فكرة غبية
ومـن عـقـب ما مل قلبي من تحريك
          عـدتـي بـلا ورقـة الـتـوت الـنديه
اصبـح وجـودك يشابه صيحة الديك
          عـقـب انـدثــار الكـدر واللاهوية