عاشق يتيم ..!

 أمسك على الجرح القديم
خله كذا عاشق يتيم
ميلاده الأول ورد وشموع
وميلاده الثامن حزن ودموع
وميلاده العاشر حيره وخوف
هو كذا حظه يتيم
عايش في غير هالزمان
ينام ويبكي ب أمان
وش له تبعثر راكده؟
وش لك بكسرة خاطره؟
هو باقي يهمك عناه
وشقى حياته وأساه؟
هو باقي خفوقك
ينبض بشيء من غلاه؟
أدري بتبعثرك الأسئلة
وبتجمعك حيره وشتات
وبتبعدك سنين ومسافات
بس بطمئنك غاليك ماعاد يرعبه البعاد
قلبه تعود على الفراق
أشياؤه اللي تسعده ترحل وماتعود
والخافق اللي يعشقه بوصله مايجود
ماتت أحلامه ومابقى له غير السراب
ورغم اللي حصل مازال عايش فوق التراب
منفاه حرف وقصيد وسلوته لحظة شرود للبعيد
ويعيد ماكان ومضى ويحسب مابقى له من شقى
هالعمر ياصاحبي لحظات وتمر
والزمن شمس وقمر يتعاقبون
واحد يحل والثاني يغيب
ومابقى من العتب والظنون خله يفل
مثل نجم في سماء صيف منير
يشع بنوره وقت وفجأه يغيب