تسجيل الدخول
الاكثر أعجابا
الاستفتاء
ماهو تقييمك للموقع
القائمة البريدية
نواف ياطا الكايده مايبالي
حرٍ تعلّا بالسما يكسر الحوم
باول شبابه شايمٍ للمعالي
يوم العيال امجادهم هرج وعلوم
نواف ياطا الكايده مايبالي
جنين قلبي صاملٍ كلّه عزوم
سليل مجدٍ من اساسه طوالي
لاقال قولٍ تم والأمر محسوم
ماينثني عن مابراسه محالي
وضع هدف حطه ضروري وملزوم
وارخص على شان الهدف كل غالي
يالله ياللي للبشر فارض الصوم
ياللي مكانك بالسموات عالي
تاقاه وتعينه على طاعتك دوم
وتحقق آماله كريم السبالي
يعود لي مرفوع راسه مع القوم
ويرفع بعد راسي بوسط الرجالي
قضت علي فتره طويله بلا نوم
ماغير افكر فيه طول الليالي
لو انشغل بالي ترى ماعلي لوم
ابقى أبو مهما تكون الحوالي
يعود لي مرفوع راسه مع القوم
ويرفع بعد راسي بوسط الرجالي
اللهم آمين صح لسانك ولاهنت
قصيده غايه في الجمال والصدق