تسجيل الدخول
الاكثر أعجابا
الاستفتاء
القائمة البريدية
نايف بن حزوم 
اكتب الشعر ولست بشاعر.....!
الاماني
مع زود احترامي له وعشقي له وتقديري
تمر بطيفه النسمه على بالي على دوبه
وهو اللي على ذكره تزين القمرا وتنيري
وتطيب بذكره الليله مع زاده ومشروبه
سرا ليلي وجاء صبحي وانا مقيد بتفكيري
ولا غيره يمر البال ويكدره ويشوبه
وهو الحلم الاول لي وهوشري مع خيري
وهو بلسم جروح النفس مع جرحي ومكروبه
انا حالي لها وياه بعض احيان تفسيري
وبعض احيان مدري علم ولا حلم واكذوبه
وانا اعده ضروره لي واحتاجه مثل غيري
سواه الجدي للساري يضيع ويلتفت صوبه
وانا كوني بشر عجل ٍ على رزقي بتدبيري
تزل اخطاي واتعثر وتزيد احوالي صعوبه
انا حالي كما حال المعنى ان جاه تحذيري
يسج الرجل للاقدار ما يرجع عن دروبه
عسى حظي يابو ناصر على كثره مشاويري
يوردني على حوضه ويسقيني من عذوبه
عسى تروى الاماااني منه وتفرج به اساريري
وعسى تبرد على قربه حياتن منه مشبوبه
الامن جاني بوده فحلت لي التباشيري
ولامن صد محبوبي بحاول به بعد نوبه
لانه لاجي ٍ فيني من سنين ٍ وانا صغيري
ولانه كد برا حالي وسوابي انا اعجوبه
الا يا ونتي ونة صويب ٍ طاح وكسيري
كسير الساق وسلاحه مع العدوان صكوبه
الا ياربي عاوني وعديها بتيسيري
انا بلوذ في بابك مع اللي قبلي لاذوبه
الا يارب هونها وسامحني بتقصيري
انا عبدك بن عبدك رجايه تقبل التوبه
الا ياونتي ونة صويب ٍ طاح وكسيري
كسير الساق وسلاحه مع العدوان صكوبه ✌
صح لسانك يازعيم
جميله جداً تصويراتك يانايف