تسجيل الدخول
الاكثر أعجابا
الاستفتاء
ماهو تقييمك للموقع
القائمة البريدية
ماعندنا ذوق
|
ياكثـر ماشـالـت ظلـوعـي مــن آلام
ولا درى فيـهـا مــن الخـلـق مخـلـوق
|
|
واذا لـزمـت الصـمـت مانـيـب مـنــلام
وش لي افك حلـوق واصكـر حلـوق
|
|
امشي وافضفض ليـه؟ والعالـم تنـام
وانا اسهر لحالي ولا غمّض الموق
|
|
لـو الحكـي ينفـع نـفـع قبـلـي الـشـام
اللي تجر الصوت والصوت مخنوق
|
|
خـلـونــي اســكــت دام الايــــام قــــدام
لان العرب تقضب على كل منطوق
|
|
يمـكـن اخــط اقــلام واوهـــام واحـــلام
لـكـنـي ابـقــا دايــمــا نـظـرتــي فــــوق
|
|
مـن لايِسَفِّـح فـي سمـا الـعـز لاحــام
تربط يدينه عن سما الحوم بسبوق
|
|
الـنـفـس مـثــل الـحــر والـحــر عــــزام
واللـي يشـد العـزم مـا عاقـه الـعـوق
|
|
وانا اعترف صبري تردى مـن العـام
لانـي اخـيـط الـجـرح والـقـاه مفـتـوق
|
|
ماعـاد باقـي غيـر تنكـيـس الاعــلام
مـن كثـر صبـري ملنـي كـل معـلـوق
|
|
النفـس لـو تعـرف تصـاريـف الايــام
تطرق لها طرقٍ فلا هوب مطـروق
|
|
وياكثـر مـا شلنـا مــن ذنــوب وآثــام
والله يــمــهــلــنــا ولا عـــنــــدنــــا ذوق
|
النفس لو تعرف تصاريف الايام
تطرق لها طرق ٍ فلا هوب مطروق
وياكثر ما شلنا من ذنوب وآتام
والله يمهلنا ولا عندنا ذوق
صح لسانك يالجباري