السبع العجاف

ليه تتنفس عذاب وهــم و جـروح وعــنا ؟          

                                                  ليه تزرع حلمك بصحرا وتسقيه الجفاف ؟

السـنا عـقبه ظـلام وعـقب هالظـلما سـنا

                                                يعني السبع السمان وبعدها السبع العجاف

لا تقــول الله حــرمني شــي بيــديني دنــا

                                                دام أمـــرك بيد ربك إبتسم وإحــذر تــخاف

قول أنا مهما هـدمني الوقت إحســاسي بنا 

                                                ماغرقت فبحر جــرحي دام إيماني ضفاف

ماإنكسرت و مــاأنثنيت بوقـت غيري إنثنا

                                                لو شربت المر علقم أو أكلت الشوك حاف

طهري و سـطوة جمالي حلم وإسطورة ثنا

                                               لو كتب شاعر ملاحم عاجزة مهما أضـاف  

مسألة مــبدأ صــفاتي يــعني أمــال ومنى

                                                وإني أعظم من جـمالي حاجة مافيها خلاف

الخلاف إلي أشـــوفه بــس فـي نـقطة هِنا 

                                                 إختلاف إني إجتمعت بروح يـملاها إئتلاف

ياهني من هو ملكني حل مــــن مــثله جنا

                                                عفوا أقصد ياحبيبي من ملك قلبي وطــاف

حول روحي بس مره وذاق بأحضاني الهنا

                                           وإرتشف من توت عشقي أو كرزحبي إرتشاف

أو تــقاسمنا بعــضنا بيت وأنفاس وضـــنا

                                            أو أضاف إسمه لإسـمي يوم في كرت الزفاف