وش يفيدك ؟!

بسألك وش يفيدك لاطرقوا بابك في نهار
وأفضولك ب أحسن الله عزاءك
وعظم الله أجرك في غلاك
كان حيل وافي وإحساسه
بك عالي حد الغمام
وكان لك ديم رغم الجفاف
كان يسرق الضحكة من حياته
ويرسمها فرح على شفاتك
وينزع أحزانك ويشيل همك
وينزع الشوك من طريقك ودربك
ويزرع الورد في حياتك
لايكل ولايمل من خُطاك
يتبعك مثل ظلك ويحرسك
يقرأ في صباحه آية الكرسي عليك
وفي مسائه يستعيذ ربه من كل شر قد يصيبك
ولانطقت الآه تمتم بسم الله عليك
بكل حنان الكون كان محتويك
كان يغليك أكثر من غلا أمك وأبوك
يكتبك حرف بحره مديد
ويرسمك عشق وينبض لك وريد
ويكتبك اغفاءات ونثر وقصيد
لكن خلاص... انتهى من وجودك
وروحه سافرت لخالقها وراح
ومن شقى هالدنيا استراح
ووش يفيدك يوم رحل عنك حبيبك
ظنك بيرجعه العتاب
ولا لا قفيت بينده لك تعال
مابقى غير دمعك أنثره
على قبره همال
وأمطره بدعوة
عسى مثواه الجنان

http://www.alraimedia.com/Article.aspx?id=375898&post_id=100001568256165_470573532962778#_=_