عنى هالدنيا من دونك ... !

يبه شمسك ماعاد لها إشراق
ولكن وهج نورك أشوفه هناك
باقي في زاويا مجلسك
وضحكتك مافارقت عيني
يبه وش اللي راح منك ووش الباقي؟!
غبت بجسدك وروحك تحاكيني
أشوفك كل ليله حلم وأقبل إيدينك
وأغرق بصمت بحروفك وتعابيرك
وخطك الطاهر المنثورعلى بياض  
أوراقك حيل حيل حيل يبكيني
يبه حزينه أيامي بغيابك
يبه هالدنيا باتت تعنيني
وش أحكي لك؟
وش أشكي لك؟
خذاك الموت من دنياي وأنا طفله
وغبت عن عيني وبقى طيفك وظله
ماأنسى يوم بكت أمي وأنا وجله
ومذهوله ومصدومه ومندهشه
وش اللي صار وش تحكين ياعمه ؟!
تعالي خبريني ليه أمي مغتمه ؟!
وليه عيونك بالدموع مغترقه ؟!
يبه من يومها صارت الدنيا بعيني معتمه
وصرت أشوف حزني يكبر معي
ويوقف لي على الزله !
وغابت فرحتي والسنين عجاف
ومارحمت طفلة مهتمه
تبي تشوف الفرح يعانق دربها ويسهل لها اللمه
يبه سنين فراقك كثيره وعليك ملايين من الرحمه
يبه أبد مانسيتك وماسهى قلبي عن ذكراك في كل حزه
يبه عسى قبرك رياض ونفحات من رحمه
يبه عسى مثواك فردوس في أعالي الجنه

http://www.alraimedia.com/Alrai/Article.aspx?id=352223&date=20052012