يا ضنيني...!

 يا وجودي يامسافات اغترابي
ياسليل العز ياصواب اختياري
يا هنى أيامي ياأنت ياذاتي
يانقاء الصدق يااعتزازي
يا سماء عشقي ياارتوائي
يامطر عمري ياعطائي
العطاء ماهو حضورك...!
العطاء هو كثيرك
هو أقصى خفوقك
ولهفة العشق وارتباكك
هو لاغبت تصرخ بدروبي وينك
وتنزف حروف شعرك من قصيد اشتياقك
هو لاسرحت تلاقني طيف وله في خيالك
وحقيقة عشق صادق يرتسم في كيانك
يارضى أيامي أبيك
لاتراجعت بخطواتي ورى تنتشلني
وتثبت خطاي بثباتك وتسند من عزومي
وتنثرالورد بيدي وتجلي الشوك عن طريقي
وتزرع الخير في محطات اغترابي
وتنزع الحزن والعنى والهم من سنيني
وتلبسني أمانك سوار يزين يميني
وتشهر سلاح الكلمة في وجه عدواني وتنتشي بي
يارضى أيامي أبيك
لا شهقت باسمك يحترق عذالي من شموخك وماهم طايليني
ولاصرخت من خوفي تعتني بي وبسهوم يمكن تجتزعني
ولاغفيت تحرسني بعينك وتمسح الدمعة لافزعتني
وما أبيك تهديني النجمات وفراشات السعادة وتقبل جبيني
لاني ياضنيني رابحة في غلاك وبعطاك اللي محتويني

http://www.alraimedia.com/Resources/PdfPages/AlRAI/45C52381-409C-4096-BD99-E33EFAEACD94/P30.pdf