انسكابة حناني !!

في غفلة عن باقي الناس جاني =يضمني وجد ٍوهو ضمته زاد

هلت عيونه دمعتين وبراني =منظر جروحٍ في وسط روحه جداد

(خلي يعاني) (والله إني أعاني )=يضم جرحي له ولجروحه ضماد

لمسة يديني وإنسكابة حناني = ومشاعر ما ضمها بيت قصّاد

السعد جاني يوم خلي لفاني =يوم القدر جابه وبالوصل لي جاد

من فرحتي به ما نطقت بلساني =وكم صدفة فاقت لها الفين ميعاد

ناظر لي بعينه كثير وعطاني =مجمل علومه بعد ما صمتنا ساد

ياويل حالي لا التفت لي دعاني =آجيه كلي له على كيف ما راد

من بعد طيب الوقت عوّد رماني =فزيت وجله كن على إيديني قياد

حلمي ولوهو كان عدة ثواني =أشعل بقلبي شوق والشوق وقاد

والفرحه اللي زلزلت لي كياني =كانت لكم قصة وكانت لي زواد

ولو كان وصله حلم ربي شفاني =لاصار جرح البعد غاير ويزداد