طواله إسمع

طواله اسمع هالقصيده وانا شفت

… من العبر واجد .. وانابوك بعطيك

الحاجه اللي ليا خذيته تلفت

…ماتنبغى يابوك لو كان تغنيك

احرص على حقك ولا يقال لك خفت

…لا تتركه محدٍ من الناس يكفيك

إنهل من اجواد العرب لو تكلفت

…مثل النحل خلك ترى الطيب يثريك

إشهر على روس المعالي اذا عفت

…واترك طمان القاع للي يعاديك

هيبة شهم شامخ إلا منك وقفت

…مثل العديم برزتك مع تعاليك

واخفض جناح المغفره كانك انصِفت

…العفو شيمه لا حشا ما توطيك

مايعذربك كثر الهلا لو به اسرفت

…واحذر يابوك الطايله لا تعديك

والشهره اللي له ثمن سمعةٍ زفت

…ماتكرمك بين العرب لو تعليك

ترى التواضع يرفعك لو تثقفت

…شهادتك دون الشيم ما تقديك

لله ما ينقص تواضعك وان شفت

…بعض البشر ماهو كفو منك تسليك

ايطه على الغارب ولا تظنك اجحفت

…نال الشرف في وطيةٍ من مواطيك

نافع بن طواله