هذا المكان

هذا المكان اللي جمعني بغالي

له في مكاني ذكريات وتفاصيل

ياما جلس جنبي ويجلس قبالي

واليا تعب له بالحنايا مداهيل

له صورةٍ ماتنمحي عن خيالي

بيني وبينه سالفات وتعاليل

وله نبرةٍ كل ما دعى الشوق بالي

كنّه على سمعي يجر المواويل

عنه الاماكن تنشدن والليالي

الامس ينشد والليال المقابيل

اقفى ولا يدري عن اوضاع حالي

ولا عاد من بيني وبينه مراسيل

اقفى ولاهو بالمشاعر يبالي

وانا تركني للسهر والغرابيل

{{اشوف دمّي ينتثر من ظلالي

واسمع لصدري نوح مثل التراتيل }}

والدمعه اللي بالمحاجر تلالي

تشكي جروحي للجفن والمناديل

يا غايبي بعدك غدى الهم فالي

منك المواجع للمشاعر محاصيل

ان كان لي منوه وصالك منالي

وان كان بي همٍ من الناس ماشيل

استاهل اللي من يدينك جرى لي

بالحب ياكثر القلوب المقاتيل