رمضاء الغياب

هذي  جـديده  بالـمحبّه  ولا  سبقْت

                     مطغي  على لـذّة  كثيرك  شويّـك

تحبني بالحيل و للحين ما إشتقْت !

                     بــلّاه  عـلـّمـنـي أبـَ  أصـيـر  زيّـك

أنا تعبت أكذب على النفس وأرهقْت

                     قويتني يا  لعنبو  إبليس  حيّـك

حاولت أكابر  قبل  أصارح  ولا طقْت

                   رمضاء الغياب تحدّني صوب فيّك

أنـا  أشهد  إنـّك  يـا حبيبي  تفوّقْـت

                     و أنجحت يوم  إنك  تقرّبت  كيـّك

غيّبتني باسم الـمحبّه و أنا إنسقْت

                     و أغويتني لا  بـارك  الله  بـ غـيـّك

أعتقتني في حال و بحال ما أعتقْت

                     الـعـيـن  معتقها و  قـلبي  سبيـّك

راحت سنيـنـي ليتي  اليوم مـا فقْت

                      صحيت  لكن ويـن  أبلقى  حليـّك ؟

عـدّيـتـني  حـدّ  الـنـجـوم  و تـعلّقْت

                    و عيّشتني خايف و أراقب مجيّك

إرجـع و نسياني ترى  مسألة وقْـت

                    أرض الـمـحـبّـه مـا تبي غير ريـّك

   عبدالعزيز الرشيد