أسألك بأسمائك الحسنى

( أسألك بأسمائك الحسنى )

لا إله إلاّ أنت ياواحد يامؤمن يامؤخر يامقدّم ياعليم

ياعزيز وْياسلام وْيامهيمن ياجليل وْياوكيل وْيامجيد

يامتين وْيامقيت وْيامصوّر يامُذلّ وْيامُعزّ وْياعظيم

ذو الجلال وْمالك الملك وْحفيظ وْمنجي وْمبديء وتوّاب وْحميد

مانع وْنافع وجامع واسع وْرافع وماجد واجد وْبرّ وْكريم

قابض وْباسط وخافض قادر وْباريء وخالق باقي وْحيّ وْمعيد

وارث وْباعث وهادي والي وْمقسط ومحصي مغني وْحقّ وْحكيم

مقتدر قدّوس جبّار متكبّر منتقم غفّار قهّار وْشديد

ياوليّ وْياعليّ وْياقويّ وْيامميت وْمحيي عظامٍ رميم

يا أحد يالله يافردٍ صمد يا من تعالى يارؤوف وْياوحيد

ياصبور وْياشكور وْياغفور وْياعفوّ وْياغنيّ وْياحليم

يامَلِك يانور يافتّاح يارزّاق يا أول يا آخر ياشهيد

يارقيب وْياحسيب وْيامجيب أعوذ بك من كلّ شيطانٍ رجيم

أسألك بأسمائك الحسنى يـا من تسجد لوجهك بالرضاء كلّ العبيد

يا إلهي ياحكَم ياعدل ياقيّوم ياظاهر ياباطن يارحيم

ياخبير وْياكبير وْيابصير وْياسميع وْيابديع وْيارشيد

يا إلهي دائماً ذكرك على لساني وعايش يا إلهي في الصميم

وْيجري بداخل عروق القلب مجرى الدمّ فيها مْن الوريد اليا الوريد

إهدني ياربّ ياهادي بهديك من تشاء هدي الصراط المستقيم

وإغفر ذنوبي ولا تشغلني إلاّ بطاعتك ياربّ وإجعلني سعيد

يالطيف إلطف بعبدٍ عاش عمره بين همّ وْبين حزن وْبين ضيم

يارفيع الشان يارحمن ياوهّاب يامُنزل تبارك والحديد

الحزن مستوطن بداخل خفوقي والجروح اللي بقلبي من قديم

والهموم كثار بل في كلّ مطلع يوم يطلع لي كذا همٍ جديد

والعمر روّح وأنا صابر على ماصار بي ياربّ والواقع أليم

يا إلهي فرّج الكربة عن العبد الضعيف اللي همومه به تزيد

عبدالله عوجان